ಸಂವಿಧಾನದ ದೇಶದ ಹೃದಯವಿದ್ದಂತೆ, : ಎಂ.ಪಿ.ಲತಾ

ಹರಪನಹಳ್ಳಿ : ನಗರದ ಹಿರೆಕೆರೆ ವೃತ್ತದಲ್ಲಿ ತಾಲ್ಲೂಕು ಆಡಳಿತ, ಸಮಾಜ ಕಲ್ಯಾಣ ಇಲಾಖೆಗಳ ಸಹಯೋಗದಲ್ಲಿ ಬುಧವಾರ ಆಯೋಜಿಸಿದ್ದ ರಾಷ್ಟ್ರೀಯ ಸಂವಿಧಾನ ದಿನಾಚರಣೆ ಜರುಗಿತು.

ಡಾ.ಬಿ.ಆರ್.ಅಂಬೇಡ್ಕರ ಭಾವಚಿತ್ರ, ಪೀಠಿಕೆ ಚಿತ್ರ ತೆರೆದ ವಾಹನದಲ್ಲಿ ಅಳವಡಿಸಿ ಮೆರವಣಿಗೆಗೆ ಚಾಲನೆ ನೀಡಲಾಯಿತು. ಅಂಬೇಡ್ಕರ ವಸತಿ ಶಾಲೆಯ 2ನೇ ತರಗತಿ ವಿದ್ಯಾರ್ಥಿ ಬಿ.ಎಚ್.ಭರತ್ ಅವರು, ಪುಸ್ತಕ ನೋಡದೆ ಪೀಠಿಕೆ ಹೇಳಿ ಎಲ್ಲರ ಗಮನ ಸೆಳೆದಿದ್ದು ವಿಶೇಷವಾಗಿತ್ತು. ಡ್ರಮ್ ಸೆಟ್ ಕಲಾವಿದರು ಮೆರುಗು ನೀಡಿದರು. ದಾರಿಯುದ್ದಕ್ಕೂ ಸಂವಿಧಾನ ಪೀಠಿಕೆ ಮಹತ್ವ ಸಾರುವ ಪ್ಲೆ ಕಾರ್ಡ್ ಗಳ ಪ್ರದರ್ಶಿಸಲಾಯಿತು.

ಉದ್ಘಾಟಿಸಿದ ಶಾಸಕಿ ಎಂ.ಪಿ.ಲತಾ ಮಲ್ಲಿಕಾರ್ಜುನ ಮಾತನಾಡಿ, ಸಂವಿಧಾನದ ದೇಶದ ಹೃದಯವಿದ್ದಂತೆ, ಅದರ ಬಡಿತ, ಮಿಡಿತ ಸದಾ ಸದೃಢ ಭಾರತದ ನಿರ್ಮಾಣ ಒಳಗೊಂಡಿರಬೇಕು. ಸಂವಿಧಾನದ ಬುನಾದಿ ಭದ್ರಪಡಿಸಲು ಎಲ್ಲರೂ ಕಂಕಣ ಬದ್ಧರಾಗುವ ಅಗತ್ಯವಿದೆ ಎಂದರು.

ತಹಶೀಲ್ದಾರ ಬಿ.ವಿ.ಗಿರೀಶ್ ಬಾಬು, ಸಹಾಯಕ ನಿರ್ದೇಶಕ ಎಸ್.ಆರ್.ಗಂಗಪ್ಪ, ಕ್ಷೇತ್ರ ಶಿಕ್ಷಣಾಧಿಕಾರಿ ಎಚ್.ಲೇಪಾಕ್ಷಪ್ಪ, ಮುಖ್ಯಾಧಿಕಾರಿ ರೇಣುಕಾ ಎಸ್.ದೇಸಾಯಿ, ವಿಸ್ತರಣಾಧಿಕಾರಿ ಭೀಮಪ್ಪ ಕೊಳಚಿ, ಎನ್.ಜಿ.ಬಸವರಾಜ್, ಹುಲಿಕಟ್ಟೆ ಚಂದ್ರಪ್ಪ, ಮೈದೂರು ಒ.ರಾಮಪ್ಪ, ಯಾಸ್ಮಿನ್ ಷಾ ಗುಪ್ತಾ, ಸುನಿತಾ,  ರವಿಗೌಡ, ಯಲ್ಲಮ್ಮ, ಶಿವಕುಮಾರ, ವಿನಯ್, ಗಂಗಾಧರ, ಡಿ.ಮಂಜುನಾಥ, ರವಿ, ಪಂಪಾಪತಿ, ಇಸ್ಮಾಯಿಲ್ ಎಲಿಗಾರ, ದೇವೇಂದ್ರಪ್ಪ ಇದ್ದರು. ನಿಲಯ ಮೇಲ್ವಿಚಾರ ಎನ್.ಜಿ.ಬಸವರಾಜ ನಿರೂಪಿಸಿದರು.