ಆರೋಗ್ಯ ಸಂಜೀವಿನಿ ಪ್ರಚುರಪಡಿಸಿ : ಸಿ.ಎಸ್.ಷಡಕ್ಷರಿ

ಆರೋಗ್ಯ ಸಂಜೀವಿನಿ ಪ್ರಚುರಪಡಿಸಿ : ಸಿ.ಎಸ್.ಷಡಕ್ಷರಿ

ಹೊಸಪೇಟೆ (ವಿಜಯನಗರ ಜಿಲ್ಲೆ) : ಸರ್ಕಾರಿ ನೌಕರರಿಗಾಗಿ ರಾಜ್ಯ ಸರ್ಕಾರ ಜಾರಿಗೆ ತಂದಿರುವ ಸುವರ್ಣ ಆರೋಗ್ಯ ಸಂಜೀವಿನಿ ( ಕೆ.ಎ.ಎಸ್.ಎಸ್.) ಯೋಜನೆ ಪ್ರಚುರಪಡಿಸಿ ಎಂದು ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘದ ರಾಜ್ಯಾಧ್ಯಕ್ಷ ಸಿ.ಎಸ್.ಷಡಕ್ಷರಿ ಹೇಳಿದರು.

ಹೊಸಪೇಟೆ ವಿಜಯನಗರ ಕಾಲೇಜಿನಲ್ಲಿ (ವಿಎನ್‍ಸಿ) ಸೋಮವಾರ ಆಯೋಜಿಸಿದ್ದ ಜಿಲ್ಲಾ ಸರ್ಕಾರಿ ನೌಕರರ ಕಾರ್ಯಕಾರಿಣಿ ಸಭೆಗೆ ಚಾಲನೆ ನೀಡಿ ಅವರು ಮಾತನಾಡಿದರು. ಆರೋಗ್ಯ ಸಂಜೀವಿನಿ ಯೋಜನೆ ಸರ್ಕಾರಿ ನೌಕರರ ಮತ್ತು ಅವರನ್ನು ಅವಲಂಬಿತ ಕುಟುಂಬ ಸದಸ್ಯರಿಗೂ ಉಚಿತ ಚಿಕಿತ್ಸೆ ಕೊಡಿಸಲು ಅವಕಾಶವಿದೆ. ಮಹಿಳಾ ನೌಕರರಿದ್ದರೆ, ಅವರ ತಂದೆ ತಾಯಿಗೂ ಉಚಿತ ಚಿಕಿತ್ಸೆ ಕೊಡಿಸಬಹುದು ಎಂದರು.ಯಾವುದೇ ಸರ್ಕಾರಿ ನೌಕರರಿಗೆ ತೊಂದರೆ ಆದರೆ, ಕಿರುಕುಳ ನೀಡಿದರೆ ನೌಕರ ಸಂಘದ ಪದಾಧಿಕಾರಿಗಳು ತಕ್ಷಣವೇ ಅವರ ಜೊತೆಗೆ ನಿಲ್ಲಬೇಕು. ಅವರಿಗೆ ಧೈರ್ಯ ತುಂಬಬೇಕು. ಜಿಲ್ಲೆ ಮತ್ತು ತಾಲ್ಲೂಕಿನಲ್ಲಿ ಉತ್ತಮ ಸಂಘಟನೆ ಆಗುತ್ತಿರುವುದಕ್ಕೆ ಮುಚ್ಚುಗೆ ವ್ಯಕ್ತಪಡಿಸಿದರು.

ಹೊಸಪೇಟೆ, ಹರಪನಹಳ್ಳಿ, ಹಗರಿಬೊಮ್ಮನಹಳ್ಳಿ, ಹಡಗಲಿ, ಕೊಟ್ಟೂರು ಹಾಗೂ ಕೂಡ್ಲಿಗಿ ತಾಲ್ಲೂಕು ಸಮಿತಿ ಪದಾಧಿಕಾರಿಗಳು ರಾಜ್ಯಾಧ್ಯಕ್ಷ ಸಿ.ಎಸ್.ಷಡಕ್ಷರಿ ಅವರನ್ನು ಸನ್ಮಾನಿಸಿ, ಬಸವೇಶ್ವರ ಮೂರ್ತಿ ಉಡುಗೊರೆ ನೀಡಿದರು. ರಾಜ್ಯ ಉಪಾಧ್ಯಕ್ಷ ಡಾ.ಸದಾನಂದ ನೆಲ್ಕುದ್ರಿ, ರಾಜ್ಯ ಪ್ರಧಾನ ಕಾರ್ಯದರ್ಶಿ ಗಿರಿಗೌಡ, ರಾಜ್ಯ ಗೌರವ ಅಧ್ಯಕ್ಷ ಬಸವರಾಜ್, ವಿಜಯನಗರ ಜಿಲ್ಲಾಧ್ಯಕ್ಷ ಮಲ್ಲಿಕಾರ್ಜುನ ಗೌಡ, ಜಿಲ್ಲಾ ಖಜಾಂಚಿ ಮಲ್ಲೇಶಪ್ಪ, ಕಾರ್ಯದರ್ಶಿ ಪಂಪಣ್ಣ, ರಾಜ್ಯ ಪರಿಷತ್ ಸದಸ್ಯ ರಾಘವೇಂದ್ರ, ರಾಜ್ಯ ಪದಾಧಿಕಾರಿ ಎಚ್.ಬಸವರಾಜ್, ತಾಲ್ಲೂಕು ಅಧ್ಯಕ್ಷರುಗಳಾದ ಹರಪನಹಳ್ಳಿ ಎನ್.ಜಿ.ಮನೋಹರ, ಕೂಡ್ಲಿಗಿ ವೆಂಕಟೇಶ್, ಹಡಗಲಿ ಸೋಮನಗೌಡ, ಹಗರಿಬೊಮ್ಮನಹಳ್ಳಿ ಎಂ.ಪಿ.ಎಂ.ಮಂಜುನಾಥ, ಕೊಟ್ಟೂರು ಯೋಗೀಶ್ವರ ದಿನ್ನೆ, ಮಂಜುನಾಥ ಪೂಜಾರ, ಕೆ.ಅಂಜಿನಪ್ಪ, ಮರಿಯಪ್ಪ,  ಎನ್.ಟಿ.ಸೋಮಣ್ಣ, ಪಿ.ಬಸವರಾಜ್, ಸೂರ್ಯನಾಯ್ಕ, ಗುರುನಾಥ, ಗುರುಮೂರ್ತಿ, ಸಂಗಯ್ಯ, ವೀರಣ್ಣ ಲಕ್ಕಣ್ಣನವರ, ಅವಿನಾಶ, ಕರಿಬಸಪ್ಪ ಜಿಲ್ಲಾ ಮತ್ತು ತಾಲ್ಲೂಕು ಪದಾಧಿಕಾರಿಗಳಿದ್ದರು.