ಉಪನ್ಯಾಸಕ ಡಾ. ಅಜ್ಜಯ್ಯಗೆ ಅಂತರರಾಷ್ಟ್ರೀಯ ‘ಗೋಲ್ಡನ್ ಐಕಾನ್’ ಪ್ರಶಸ್ತಿ ಗರಿ

ಹರಪನಹಳ್ಳಿ : ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಅತ್ಯುತ್ತಮ ಪ್ರಬಂಧ ಮಂಡನೆ ಮಾಡಿದ ವಿಜಯನಗರ ಜಿಲ್ಲೆಯ ಹರಪನಹಳ್ಳಿ ತಾಲ್ಲೂಕಿನ ಬೆಣ್ಣೆಹಳ್ಳಿ ಗ್ರಾಮದ ಉಪನ್ಯಾಸಕ ಡಾ. ಅಜ್ಜಯ್ಯ ಅವರಿಗೆ ಪ್ರತಿಷ್ಠಿತ ‘ದಿ ಹ್ಯುಮಾನಿಟಿ ಎಕ್ಸಲೆನ್ಸ್ ಅವಾರ್ಡ್’ ಹಾಗೂ ಅಂತರರಾಷ್ಟ್ರೀಯ ಮಟ್ಟದ ‘2026ನೇ ಸಾಲಿನ ಗೋಲ್ಡನ್ ಐಕಾನ್ ಅವಾರ್ಡ್’ ನೀಡಿ ಗೌರವಿಸಲಾಗಿದೆ.

‘ಏಷಿಯಾ ಇಂಟರ್‌ನ್ಯಾಷನಲ್ ಕಲ್ಚರ್ ರಿಸರ್ಚ್ ಅಕಾಡೆಮಿ ಮತ್ತು ರಿಸರ್ಚ್ನಿ ಯುನಿವರ್ಸಿಟಿ’ಯು ಡಾ. ಅಜ್ಜಯ್ಯ ಅವರು ಮಂಡಿಸಿದ ಪ್ರಬಂಧಗಳ ವೈಶಾಲ್ಯತೆ ಹಾಗೂ ವಿಷಯದ ಗಾಂಭೀರ್ಯತೆಯನ್ನು ಅರಿತು, ಅವರ ಶೈಕ್ಷಣಿಕ ಸೇವೆಯನ್ನು ಗುರುತಿಸಿ ಈ ಮನ್ನಣೆ ನೀಡಿದೆ.

ತಮಿಳುನಾಡಿನ ಹೊಸೂರಿನಲ್ಲಿರುವ ಫಾರ್ಚುನರ್ ಸಭಾಂಗಣದಲ್ಲಿ ಏರ್ಪಡಿಸಿದ್ದ ವಿಶೇಷ ಸಮಾರಂಭದಲ್ಲಿ ಡಾ. ಅಜ್ಜಯ್ಯ ಅವರಿಗೆ ಈ ಪ್ರಶಸ್ತಿಗಳನ್ನು ಪ್ರದಾನ ಮಾಡಲಾಯಿತು. ಗ್ರಾಮೀಣ ಭಾಗದ ಉಪನ್ಯಾಸಕರೊಬ್ಬರ ಈ ಶೈಕ್ಷಣಿಕ ಸಾಧನೆಗೆ ತಾಲೂಕಿನಾದ್ಯಂತ ಶೈಕ್ಷಣಿಕ ವಲಯದಲ್ಲಿ ಹಾಗೂ ಸಾರ್ವಜನಿಕ ವಲಯದಲ್ಲಿ ಅಪಾರ ಮೆಚ್ಚುಗೆ ವ್ಯಕ್ತವಾಗಿದೆ. ಈ ವೇಳೆ ಸಂಸ್ಥೆ ರಾಷ್ಟ್ರೀಯ ಕಾರ್ಯದರ್ಶಿ ಕೆ.ಎ.ಮನೋಕರಣ್, ಆರ್.ಮನೋಜ್, ಎಲ್‍.ರವಿಕುಮಾರ, ಕಾಳೆಗೌಡ ಅವರು ಉಪಸ್ಥಿತರಿದ್ದರು.