ಹಂಪಿ ಉತ್ಸವ ಮಹಿಳಾ ಕುಸ್ತಿ ಪಂದ್ಯಾವಳಿ : ಮಹಿಳಾ ಕಂಠೀರವ ಪ್ರಶಸ್ತಿ ಮುಡಿಗೇರಿಸಿಕೊಂಡ ರಾಧಿಕಾ ವಿಶ್ವನಾಥ ತೊಂಡಿಹಾಳ

ವಿಜಯನಗರ :
ಹಂಪಿ ಉತ್ಸವ-2026 ಅಂಗವಾಗಿ ಜರುಗಿದ ಮಹಿಳಾ ಕುಸ್ತಿ ಪಂದ್ಯಾವಳಿಯಲ್ಲಿ 58 ಕೆ.ಜಿ. ಮೇಲ್ಪಟ್ಟ ವಿಭಾಗದಲ್ಲಿ ರಾಧಿಕಾ ವಿಶ್ವನಾಥ ತೊಂಡಿಹಾಳ ಪ್ರಥಮ ಸ್ಥಾನ ಪಡೆದು, ಮಹಿಳಾ ಕಂಠೀರವ ಪ್ರಶಸ್ತಿ ಮುಡಿಗೇರಿಸಿಕೊಂಡಿದ್ದಾರೆ. ಇದೇ ವಿಭಾಗದಲ್ಲಿ ರಕ್ಷಿತಾ ನಾರಾಯಣ ಸೂರ್ಯವಂಶಿ ದ್ವಿತೀಯ ಸ್ಥಾನ ಪಡೆದು ರನ್ನರ್ ಅಪ್ ಆಗಿದ್ದಾರೆ.
ಉತ್ಸವ ಎರಡನೇ ದಿನವಾದ ಶನಿವಾರ ಹೊಸಮಲಪನಗುಡಿಯ ಗಾಳೆಮ್ಮ ದೇವಸ್ಥಾನದ ಹಿಂಭಾಗದಲ್ಲಿನ ವಿದ್ಯಾರಣ್ಯ ಪೀಠದÀ ಹೈಸ್ಕೂಲ್ ಮೈದಾನದಲ್ಲಿ ಮಹಿಳಾ ಕುಸ್ತಿ ಪಂದ್ಯಾವಳಿಗಳು ಜರುಗಿದವು.
55 ರಿಂದ 57 ಕೆ.ಜಿ.ವಿಭಾಗದ ಅಂತಿಮ ಪಂದ್ಯದಲ್ಲಿ ಕಾವ್ಯ ತುಕರಾಮ ದಾನ್ವೇನವರ ಪ್ರತಿಸ್ಪರ್ಧಿ ಸೋನಿಯಾ ಗೋಪಾಲ ಜಾಧವ ಅವರ ವಿರುದ್ದು ಸೆಣಸಾಡಿ ಪ್ರಥಮ ಸ್ಥಾನ ಹಂಪಿ ಮಹಿಳಾ ಕೇಸರಿ ಪಟ್ಟ ತಮ್ಮದಾಗಿಸಿಕೊಂಡರು. ಸೋನಿಯಾ ಗೋಪಾಲ ಜಾಧವ ದ್ವೀತಿಯ ಸ್ಥಾನಕ್ಕೆ ತೃಪ್ತಿ ಪಟ್ಟಕೊಂಡರು.
51 ರಿಂದ 54 ಕೆ.ಜಿ.ವಿಭಾಗದಲ್ಲಿ ಐಶ್ವರ್ಯ ಪಿ ಕರಿಗಾರ ಪ್ರಥಮ ಸ್ಥಾನ ಪಡೆದುಕೊಂಡು ಹಂಪಿ ಕುಮಾರಿ ಎನಿಸಿಕೊಂಡರು. ಗಂಗೋತ್ರಿ ಮಾರುತಿ ಹುಲಿಕೊಪ್ಪನವರ ದ್ವಿತೀಯ ಸ್ಥಾನ ಪಡೆದರು.
50 ಕೆ.ಜಿ. ವಿಭಾಗದಲ್ಲಿ ಬಾಲಕಿ ಗೋಪನ್ವ ಮಂಜುನಾಥ ಖೋಡ್ಕಿ ಹಂಪಿ ಕಿಶೋರಿ ಎಂದೆನಿಸಿದರು. ಬಾಲಕಿ ಜಾನವಿ ದ್ವಿತೀಯ ಸ್ಥಾನ ಪಡೆದರು.
ವಿಜೇತ ಅಭ್ಯರ್ಥಿಗಳಿಗೆ ಹಂಪಿ ಉತ್ಸವ ಕ್ರೀಡಾ ಸಮಿತಿಯಿಂದ ಸನ್ಮಾನಿಸಲಾಯಿತು. ಈ ವೇಳೆ ಜಿ.ಪಂ.ಸಹಾಯಕ ಯೋಜನಾಧಿಕಾರಿ ಉಮೇಶ್ ಸೇರಿದಂತೆ ಮತ್ತಿತರು ಇದ್ದರು.