ಪುಣಬಗಟ್ಟಿ ಆಸ್ಪತ್ರೆಯಲ್ಲಿ ಕಳ್ಳತನ : ಆರೋಪಿ ಬಂಧನ

  ಹರಪನಹಳ್ಳಿ : ತಾಲ್ಲೂಕಿನ ಪುಣಭಗಟ್ಟ ಗ್ರಾಮದ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಕಳ್ಳತನ ಮಾಡಿದ್ದ ಆರೋಪಿಯನ್ನು ಪೊಲೀಸರು  ಪ್ರಕರಣ ದಾಖಲಾದ 24 ಗಂಟೆಯಲ್ಲಿ  ಬಂಧಿಸಿದ್ದಾರೆ.

ದಾವಣಗೆರೆ ಕಾಟಿಹಳ್ಳಿ ಗ್ರಾಮದ ಅಭಿ ಬಂಧಿತ. ಆರೋಪಿಯಿಂದ 2 ಸಿಸಿ ಕ್ಯಾಮೆರಾ, 2 ಸಿಲ್ಲಿಂಗ್ ಫ್ಯಾನ್, 20 ಟ್ಯೂಬ್ ಲೈಟ್‍ ಹಾಗೂ ಕಳ್ಳತನಕ್ಕೆ ಬಳಿಸಿ ಸಾಮಾಗ್ರಿ, ಬೈಕ್ ಜಫ್ತಿ ಮಾಡಲಾಗಿದೆ. ನ.25ರಂದು ರಾತ್ರಿ ಸಮಯದಲ್ಲಿ ಪುಣಬಗಟ್ಟ ಸರ್ಕಾರಿ ಆಸ್ಪತ್ರೆಯಲ್ಲಿ ಕಳ್ಳತನ ನಡೆದಿತ್ತು. ಈ ಕುರಿತು ಆಸ್ಪತ್ರೆ ವೈದ್ಯ ಡಾ.ಗಿರಿಯಪಳ್ಳ ಬಸವರಾಜ್ ಡಿ.9 ರಂದು ಠಾಣೆಗೆ ದೂರು ಸಲ್ಲಿಸಿದ್ದರು.

ಡಿವೈಎಸ್ಪಿ ಗಳಾದ ಮಲ್ಲೇಶ ಡೊಡ್ಮನಿ, ಸಂತೋಷ ಚವ್ಹಾಣ, ಸಿಪಿಐ ಮಹಾಂತೇಶ ಜಿ.ಸಜ್ಜನ್, ಪಿಎಸ್ಐ ವಿಜಯಕೃಷ್ಣ ಅವರ ನೇತೃತ್ವದಲ್ಲಿ ಎಲ್‍.ಪೀಕ್ಯನಾಯ್ಕ, ಹರೀಶ್ ದೇವರಹಟ್ಟಿ, ಗುರುರಾಜ್, ಗುರ್ಯಾನಾಯ್ಕ, ಚಂದ್ರಶೇಖರ, ಮತ್ತಿಹಳ್ಳಿ ಕೊಟ್ರೇಶ್ ಅವರು ಪತ್ತೆ ಕಾರ್ಯಾಚರಣೆ ತಂಡದಲ್ಲಿದ್ದರು. ಅವರ ಕೆಲಸವನ್ನು 24 ಗಂಟೆಯಲ್ಲಿ ಆರೋಪಿ ಪತ್ತೆ ಹಚ್ಚಿದ ತಂಡವನ್ನು ಎಸ್ಪಿ ಎಸ್.ಜಾಹ್ನವಿ, ಹೆಚ್ಚುವರಿ ಪೊಲೀಸ್ ಅಧೀಕ್ಷಕಿ ಜಿ.ಮಂಜುನಾಥ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.