ಗ್ರಾಪಂ ಗಳಿಗೆ ಅನುದಾನ ಕಡಿತ ಖಂಡಿಸಿ ಪ್ರತಿಭಟನೆ

ಹರಪನಹಳ್ಳಿ : ಗ್ರಾಮ ಪಂಚಾಯಿತಿಗಳಿಗೆ ಅನುದಾನ ಕಡಿತಗೊಳಿಸಿರುವುದನ್ನು ಖಂಡಿಸಿ ಅಖಿಲ ಭಾರತ ಕಿಸಾನ್ ಸಭಾ ಹಗರಿಗುಡಿಹಳ್ಳಿ ಶಾಖೆಯಿಂದ ತಾಲ್ಲೂಕಿನ ಸಾಸ್ವಿಹಳ್ಳಿ ಗ್ರಾಮ ಪಂಚಾಯಿತಿ ಕಚೇರಿ ಎದುರು ಮಂಗಳವಾರ ಪ್ರತಿಭಟನೆ ನಡೆಸಿದರು.

ಸಾಸ್ವಿಹಳ್ಳಿಯಲ್ಲಿ ಬೃಹತ್ ಪ್ರತಿಭಟನೆ ಮೆರವಣಿಗೆ ಮಾಡಿದ ಪದಾಧಿಕಾರಿಗಳು ವಿಬಿ ಜಿ ರಾಮ್‍ ಜಿ ಯೋಜನೆಯಡಿ 2 ತಿಂಗಳಬಾಕಿ ಹಣ ಬಿಡುಗಡೆ ಮಾಡಬೇಕು. 15ನೇ ಹಣಕಾಸು ಮತ್ತು ವಿಬಿಜಿ ರಾಮ್‍ ಜಿ ಅನುದಾನವನ್ನು ಪೂರ್ಣ ಪ್ರಮಾಣದಲ್ಲಿ ಗ್ರಾಮ ಪಂಚಾಯಿತಿಗಳಿಗೆ ನೀಡಬೇಕು. ಸಾಸ್ವಿಹಳ್ಳಿ ಪಂಚಾಯ್ತಿ ವ್ಯಾಪ್ತಿಯಲ್ಲಿ ವೈಜ್ಞಾನಿಕ ಚರಂಡಿ ವ್ಯವಸ್ಥೆ ನಿರ್ಮಿಸಬೇಕು. ಬೀದಿ ದೀಪ ಅಳವಡಿಸಬೇಕು.

ಸ್ಮಶಾನಕ್ಕೆ ಗುಣಮಟ್ಟದ ರಸ್ತೆ, ತಂತಿ ಬೇಲಿ, ಸರ್ಕಾರಿ ಸಾರಿಗೆ ಬಸ್ ವ್ಯವಸ್ಥೆ ಮಾಡಬೇಕು ಎಂದು ಆಗ್ರಹಿಸಿದರು. ಹರಪನಹಳ್ಳಿಯಿಂದ ನಿಚ್ಚಾಪುರ, ಮುತ್ತಿಗಿ, ಕೊಟ್ಟೂರು ಮಾರ್ಗವಾಗಿ ವಿದ್ಯಾರ್ಥಿಗಳಿಗೆ ಮತ್ತು ಸಾರ್ವಜನಿಕರಿಗೆ ಎರಡು ಸರ್ಕಾರಿ ಸರ್ಕಾರಿ ಬಸ್ ಒದಗಿಸಬೇಕು. ಸಾಮಾಜಿಕ ಭದ್ರತಾ ವೇತನ, ಸಂಧ್ಯಾ ಸುರಕ್ಷಾ, ವಿಧವೆ ವೇತನ ಹಣ ಮುಂಜೂರು ಮಾಡಬೇಕು.

ಬಾಕಿಯಿರುವ ಇಸ್ವತ್ತುಗಳನ್ನು ವಿಲೇವಾರಿ ಮಾಡಬೇಕು ಎಂದು ಒತ್ತಾಯಿಸಿದರು. ಅಖಿಲ ಭಾರತ ಕಿಸಾನ್ ಸಭಾ ಜಿಲ್ಲಾ ಅಧ್ಯಕ್ಷ ಗುಡಿಹಳ್ಳಿ ಹಾಲೇಶ್, ಹಗರಿಗುಡಿ ಶಿವರಾಮ್, ಡಿ.ಎಚ್.ಅರುಣ್, ಎ.ಹಾಲೇಶಪ್ಪ, ಪ್ರಭುಗೌಡ, ಸಲಾಂ ಸಾಹೇಬ್, ಈಶಪ್ಪ ಕಡಗೆರೆ, ಎಂ.ಕಾಳಮ್ಮ,ಶಾಂತಪ್ಪ, ಹುಲಿಗೆಪ್ಪ, ಬಿ.ಚೆನ್ನಬಸಪ್ಪ, ಕೊಟ್ರೇಶ್, ಎಂ.ಪ್ರಕಾಶ, ಎಲ್‍.ಹಾಲೇಶ್, ಟಿ.ನಾಗರಾಜ್, ಶಂಭುಲಿಂಗಪ್ಪ, ಗೋವಿಂಧರಾಜ್ , ಟಿ.ಮಂಜುನಾಥ ಇತರರಿದ್ದರು. ಹರಪನಹಳ್ಳಿ ತಾಲ್ಲೂಕು ಸಾಸ್ವಿಹಳ್ಳಿ ಗ್ರಾಮದಲ್ಲಿ ಅಖಿಲ ಭಾರತ ಕಿಸಾನ್ ಸಭಾ ನೇತೃತ್ವದಲ್ಲಿ ಗ್ರಾಮಸ್ಥರು ಮಂಗಳವಾರ ಪ್ರತಿಭಟನೆ ನಡೆಸಿದರು.