ಸದೃಢ ಆರೋಗ್ಯಕ್ಕಾಗಿ ಯೋಗಾಭ್ಯಾಸ ಸಹಕಾರಿ : ಮಂಜುನಾಥ ಗುರೂಜಿ

 ಹರಪನಹಳ್ಳಿ  : ಔಷಧಿಗಳಿಂದ ತಾತ್ಕಾಲಿಕ ಚಿಕಿತ್ಸೆ ಸಿಗುತ್ತದೆ, ಆದರೆ ಯೋಗಾಭ್ಯಾಸದಿಂದ ಶಾಶ್ವತವಾಗಿ ಉತ್ತಮ ಆರೋಗ್ಯ ಕಾಪಾಡಿಕೊಳ್ಳಲು ಸಾಧ್ಯವಾಗುತ್ತದೆ ಎಂದು ಯೋಗಗುರು ಮಂಜುನಾಥ ಗುರೂಜಿ ತಿಳಿಸಿದರು.

ಹರಪನಹಳ್ಳಿ ನಗರದ ಟಿಎಂಎಇ ಸಂಸ್ಥೆಯ ಜ್ಞಾನ ಗಂಗೋತ್ರಿ ಆವರಣದಲ್ಲಿ  ಅಘೋರಿಯುತ ಆನಂದ ಯೋಗ ಪ್ರಾಣಾಯಾಮ ತರಬೇತಿ ಶಿಬಿರದ ಸಹಯೋಗದಲ್ಲಿ ಶನಿವಾರ ರಾತ್ರಿ ಆರಂಭವಾದ ಶಿಬಿರ ಉದ್ಘಾಟಿಸಿ ಅವರು ಮಾತನಾಡಿದರು.

ಆಡಂಬರದ ಜೀವನ ತ್ಯಜಿಸುವ ಅಘೋರಿಗಳು ನೂರಾರು ವರ್ಷ ಬದುಕುತ್ತಿರುವುದಕ್ಕೆ ಯೋಗವೆ ಪ್ರೇರಣೆ. 10 ದಿನ ಇಲ್ಲಿ ನಡೆಯುವ ಶಿಬಿರದಿಂದ ಯೋಗದ ಬಗ್ಗೆ ಹೆಚ್ಚಿನ ಜ್ಞಾನ ಪಡೆದು, ಸದೃಢ ಆರೋಗ್ಯ ಕಾಪಾಡಿಕೊಳ್ಳಲು ಸಲಹೆ ನೀಡಿದರು. ಯೋಗವು ಮನುಷ್ಯನಲ್ಲಿರುವ ಕಾಯಿಲೆ ದೂರ ಮಾಡುತ್ತದೆ, ಔಷಧಿ ಮುಕ್ತ ದೇಹವನ್ನಾಗಿಸಲು ಸಹಕಾರಿ ಆಗಿದೆ. ಹಾಗಾಗಿ ಪ್ರತಿಯೊಬ್ಬರು ಯೋಗದ ಅಭ್ಯಾಸ ರೂಡಿಸಿಕೊಳ್ಳಲು ಸಲಹೆ ನೀಡಿದರು.

ತೆಗ್ಗಿನಮಠದ ವರಸದ್ಯೋಜಾತ ಶಿವಾಚಾರ್ಯ ಸ್ವಾಮೀಜಿ ಸಾನ್ನಿಧ್ಯವಹಿಸಿದ್ದರು. ಸರ್ಕಾರಿ ನೌಕರರ ಸಂಘದ ತಾಲ್ಲೂಕು ಅಧ್ಯಕ್ಷ ಎನ್ ಜಿ ಮನೋಹರ್, ರಾಜ್ಯ ಪರಿಷತ್ ಸದಸ್ಯ ಎಂ.ಶರೀಫ್, ಪ್ರಧಾನ ಕಾರ್ಯದರ್ಶಿ ಸೂರ್ಯನಾಯ್ಕ, ಎಚ್.ಎ.ಸುರೇಂದ್ರಬಾಬು,  ಬಾಗಳಿ ದುರುಗೇಶ್, ಷರೀಫ್, ಸುಬ್ಬಣ್ಣ, ಬಾಗಳಿ ಕೊಟ್ರೇಶಪ್ಪ, ಮರಿಯಪ್ಪ, ವೀರೇಶ್,  ಸಹರಾಬಾನು, ಗುರುಸಿದ್ದಯ್ಯ, ಓಂಕಾರಗೌಡ ಇತರರಿದ್ದರು.