ಧರ್ಮದೇವರ ಬಗ್ಗೆ ನೀಲಗುಂದ ಶ್ರೀಗಳ ಮಾತು

 ಹರಪನಹಳ್ಳಿ : ಧರ್ಮ, ದೇವರು ಮೇಲಿನ ನಂಬಿಕೆ ಧನಾತ್ಮಕ ಚಿಂತನೆಗಳನ್ನು ಹೆಚ್ಚಿಸುತ್ತವೆ ಎಂದು ನೀಲಗುಂದ ಗುಡ್ಡದ ವಿರಕ್ತಮಠದ ಚನ್ನಬಸವ ಶಿವಯೋಗಿ ಸ್ವಾಮೀಜಿ ಅನಿಸಿಕೆ ವ್ಯಕ್ತಪಡಿಸಿದರು.

ನಗರದ ಹರಿಹರ ರಸ್ತೆ ಆದಿಬಸವೇಶ್ವರ ನಗರದ ವರತೇಭೂತಪ್ಪ ಸ್ವಾಮಿ, ರೇಣುಕಾ ಯಲ್ಲಮ್ಮದೇವಿ ಕಾರ್ತಿಕೋತ್ಸವ ಸಾನ್ನಿಧ್ಯವಹಿಸಿ ಅವರು ಮಾತನಾಡಿದರು. ದೀಪಾರಾಧನೆಯಿಂದ ಅಜ್ಞಾನ, ಅಂಧಕಾರ ತೊಲಗುತ್ತದೆ. ನಕಾರಾತ್ಮಕ ಶಕ್ತಿ ದೂರಮಾಡಿ ಸಕಾರಾತ್ಮಕ ಶಕ್ತಿ ಹೆಚ್ಚಾಗುತ್ತದೆ. ಮನುಷ್ಯ ಮನುಷ್ಯರನ್ನು ಪ್ರೀತಿಸುವಂತಾಗಬೇಕು ಎಂದರು.

ಶ್ರೀ ಶರಣ ಬಸವ ಬುದ್ದ ಭೀಮಜೀ ವಿದ್ಯಾಸಂಸ್ಥೆ ಕಾರ್ಯದರ್ಶಿ ಗುಂಡಗತ್ತಿ ಕೊಟ್ರಪ್ಪ ಮಾತನಾಡಿ, ಭಕ್ತಿಯಲ್ಲಿ ಶ್ರದ್ಧೆಯಿದ್ದರೆ ಜೀವನದಲ್ಲಿ ಉತ್ತಮ ಸಾಧನೆ ಮಾಡಲು ಸಾಧ್ಯವಾಗುತ್ತದೆ ಎಂದು ತಿಳಿಸಿದರು. ಪ್ರತಿಭಾವಂತ ವಿದ್ಯಾರ್ಥಿಗಳನ್ನು ಸನ್ಮಾನಿಸಲಾಯಿತು.   ಪ್ರಧಾನ ಅರ್ಚಕ ವಿ.ಸಣ್ಣ ಅಜ್ಜಯ್ಯ, ಬೆಣ್ಣಿಹಳ್ಳಿ ಪಂಚಾಕ್ಷರಿ, ಮಹರ್ಷಿ ವಾಲ್ಮೀಕಿ ಪ್ರಶಸ್ತಿ ಪುರಸ್ಕೃತ  ಕೆ.ಉಚ್ಚೆಂಗೆಪ್ಪ, ಗೊಂದಲಿಗರ ಸಮಾಜದ ರಾಜ್ಯಾಧ್ಯಕ್ಷ ಗೊಂದಾಳಿ ಗೋಪಾಲ ಮಾತನಾಡಿದರು. ಅರಸಿಕೇರಿ ಕೊಟ್ರಯ್ಯ, ಅಜ್ಜಯ್ಯ ಸ್ವಾಮಿ, ವೀರಣ್ಣ, ಪ್ರಾಂಶುಪಾಲ ಕಲ್ಯಾಣದವರ್, ಇಬ್ರಾಹಿಂ ಸಾಹೇಬ್, ರೇಣುಕಾಬಾಯಿ, ಕೃಷ್ಣಪ್ಪ, ಹೆಗ್ಗಪ್ಪ, ಮೈಲಾರಪ್ಪ, ಚಿಗಟೇರಿ ಕರಿಬಸಪ್ಪ, ರಾಮಚಂದ್ರಪ್ಪ, ಮಾರುತಿ ಹಾಗೂ ಆದಿಬಸವೇಶ್ವರ ನಗರವಾಸಿಗಳಿದ್ದರು.