ಎನ್‍ಡಿಎ ಜಯಭೇರಿ : ಬಿಜೆಪಿ ಸಂಭ್ರಮ

ಹರಪನಹಳ್ಳಿ : ಬಿಹಾರ ವಿಧಾನಸಭಾ ಚುನಾವಣೆಯಲ್ಲಿ ಎನ್‌ಡಿಎ ಮೈತ್ರಿಕೂಟ ಜಯಭೇರಿ ಬಾರಿಸಿರುವ ಹಿನ್ನೆಲೆಯಲ್ಲಿ ಹರಪನಹಳ್ಳಿ ಮಂಡಲ ಬಿಜೆಪಿ ವತಿಯಿಂದ ನಗರದ ಬಿಜೆಪಿ ಕಚೇರಿಯಲ್ಲಿ ಶುಕ್ರವಾರ ಪಟಾಕಿ ಸಿಡಿಸುವ ಮೂಲಕ ವಿಜಯೋತ್ಸವ ಆಚರಿಸಲಾಯಿತು.

ತಾಲ್ಲೂಕು ಅಧ್ಯಕ್ಷ ಯಡಿಹಳ್ಳಿ ಶೇಖರಪ್ಪ ಮಾತನಾಡಿ, ಬಿಹಾರದ ಜನತೆ ಎನ್‍ಡಿಎ ಮೈತ್ರಿಕೂಟವನ್ನು ಬೆಂಬಲಿಸಿದ್ದಾರೆ. ಇದು ಮುಂಬರುವ ಎಲ್ಲ ರಾಜ್ಯಗಳ ಚುನಾವಣೆಗೆ ದಿಕ್ಸೂಚಿಯಾಗಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು. ಪುರಸಭೆ ಸದಸ್ಯರಾದ ಕಿರಣ್ ಶ್ಯಾನುಬೋಗ, ಜಾವಿದ್, ವಿನಯ್ ಕುಮಾರ, ಮುಖಂಡರಾದ ಬಾಗಳಿ ಕೊಟ್ರೇಶಪ್ಪ, ಆರ್.ಲೋಕೇಶ, ಎಂ.ಮಲ್ಲೇಶ, ಪೂರ್ಯನಾಯ್ಕ, ಬಸವನಗೌಡ, ರಘು, ಮಹೇಶ ಪೂಜಾರ, ಸಿದ್ದೇಶ, ಮತ್ತಿಹಳ್ಳಿ ಕೆಂಚಪ್ಪ, ಮಹಾಂತೇಶ, ಪಂಪಾನಾಯ್ಕ, ಬಸವರಾಜ ಇತರರಿದ್ದರು.