ಹರಪನಹಳ್ಳಿ : ನಗರಕ್ಕೆ ಸಮೀಪದ ದೇವರ ತಿಮ್ಮಲಾಪುರ ಗ್ರಾಮದ ಶ್ರೀ ಲಕ್ಷ್ಮಿ ವೆಂಕಟೇಶ್ವರ ಸ್ವಾಮಿ ರಥೋತ್ಸವ ನ.30 ರಿಂದ ಡಿ.6ರ ವರೆಗೆ ಜರುಗಲಿದೆ.
ನ.30ರ ಭಾನುವಾರದಿಂದ ಪ್ರಾರಂಭವಾಗಿ ಡಿ.6ರ ಶನಿವಾರವರೆಗೆ ನಡೆಯುತ್ತದೆ. ನ.30ರ ಭಾನುವಾರ ಮಾರ್ಗಶಿರ ಶುದ್ದದಶಮಿ ಸಂಜೆ 6 ಗಂಟೆಗೆ ಸ್ವಾಮಿಯ ಕಂಕಣ ಮಹೋತ್ಸವ ಜರುಗುವುದು. ಡಿ.1 ಸೋಮವಾರ ಸ್ವಾಮಿಗೆ ಪಂಚಾಮೃತ ಅಭಿಷೇಕ, ಸಂಜೆ 7 ಗಂಟೆಗೆ 1ನೇ ಹುಚ್ಚಯ್ಯ ಜರುಗುವುದು. ಡಿ.2ರ ಮಂಗಳವಾರ 2ನೇ ಉಚ್ಚಯ್ಯ, ಡಿ.3ರ ಬುಧವಾರ ಪಂಚಾಮೃತ ಅಭಿಷೇಕ ಹಾಗೂ 3ನೇ ಉಚ್ಚಯ್ಯ, ಡಿ.4 ಗುರುವಾರ 4ನೇ ಉಚ್ಚಯ್ಯ ಉತ್ಸವ ಜರುಗುವುದು. ಆ ದಿನ ಬೆಳಿಗ್ಗೆ 10 ರಿಂದ 11.40ರ ವರೆಗೆ ಸಾರ್ವಜನಿಕರಿಗೆ ದೇವರ ದರ್ಶನಕ್ಕೆ ಅವಕಾಶ ಇರುವುದಿಲ್ಲ. 11.45ರ ನಂತರ ಸ್ವರ್ಣ ಅಲಂಕಾರಯುತ ಸ್ವಾಮಿ ದರ್ಶನ ಪಡೆಯಬಹುದು. ಮದ್ಯಾಹ್ನ 12 ಗಂಟೆಗೆ ಕೋಂಟೆ ಆಂಜನೇಯ ಮತ್ತು ಸ್ವಾಮಿ ರಥವನ್ನೇರಿ ರಾಜಬೀದಿಯಲ್ಲಿ ಬ್ರಹ್ಮ ರಥೋತ್ಸವ ವಿಜೃಂಬಣೆಯಿಂದ ಜರುಗುವುದು.
ಅದೇ ದಿನ ಸಂಜೆ 6.30ಕ್ಕೆ ಸಾರ್ವಜನಿಕ ರಥೋತ್ಸವ ಸಂಜೆ 6.30ಕ್ಕೆ ನಡೆಯಲಿದೆ. ಡಿ.5ರ ಶುಕ್ರವಾರ ಕೋಟೆ ಆಂಜನೇಯ ಸ್ವಾಮಿ ಸಮೇತ ಸ್ವಾಮಿಯು ಬೇಟೆಗೆ ತೆರಳುವ ಸಂಪ್ರದಾಯ ನಡೆಯುವುದು. ಡಿ.6ರಂದು ರಾತ್ರಿ 11 ಗಂಟೆಗೆ ಓಕುಳಿ ಹಾಗೂ ಅವಾಮೃತ ಉತ್ಸವ ಜರುವುದು. ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತರು ಆಗಮಿಸಿ ಯಶಸ್ವಿ ಗೊಳಿಸಲು ದೇವಸ್ಥಾನ ಸಮಿತಿ ಪ್ರಕಟಣೆ ತಿಳಿಸಿದೆ.
