ಹರಪನಹಳ್ಳಿ : ತಮ್ಮ ಕೀರ್ತನೆಗಳಿಂದ ಸಮಾಜ ಸುಧಾರಣೆಗೆ ಶ್ರಮಿಸಿದ ಸಂತ, ಕವಿ, ಶ್ರೇಷ್ಠ ದಾರ್ಶನಿಕ, ಕನಕದಾಸರು ಭಕ್ತಿಯ ಮೂಲಕ ಶ್ರೀಕೃಷ್ಣ ಪರಮಾತ್ಮನ ಅನುಗ್ರಹ ಪಡೆಯುವಲ್ಲಿ ಯಶಸ್ವಿಯಾದರು ಎಂದು ಮಾಜಿ ಸಚಿವ ಜಿ.ಕರುಣಾಕರ ರೆಡ್ಡಿ ಹೇಳಿದರು.
ನಗರದ ಬಿಜೆಪಿ ಮಂಡಲ ಕಚೇರಿಯಲ್ಲಿ ಶನಿವಾರ ಆಯೋಜಿಸಿದ್ದ ಭಕ್ತ ಕನಕದಾಸರ ಜಯಂತಿಯಲ್ಲಿ ಕನಕದಾಸರ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ನೆರವೇರಿಸಿ ಅವರು ಮಾತನಾಡಿದರು. ಭಕ್ತ ಕನಕದಾಸರು ನಾಡಿಗೆ ಕೀರ್ತನೆಗಳ ಮೂಲಕ ಬಹುದೊಡ್ಡ ಕೊಡುಗೆ ನೀಡಿದ್ದಾರೆ. ಅವರ ಕೀರ್ತನೆಗಳು ಸಮಾಜದಲ್ಲಿ ಅಂಕುಡೊಂಕು ತಿದ್ದುವುದು, ಸಮಾಜದ ಸದೃಢತೆ ಕಾಪಾಡಿಕೊಳ್ಳಲು ಸಹಕಾರಿ ಆಗಿವೆ ಎಂದು ಕನಕದಾಸರ ಜೀವನಕಥೆಯನ್ನು ಸ್ಮರಿಸಿದರು.
ಬಿಜೆಪಿ ಮಂಡಲ ಅಧ್ಯಕ್ಷ ಯಡಿಹಳ್ಳಿ ಶೇಖರಪ್ಪ, ಪುರಸಭೆ ಸದಸ್ಯರಾದ ಕಿರಣ್ ಶ್ಯಾನುಬೋಗ, ಜಾವಿದ್, ಮುಖಂಡರಾದ ಆರ್.ಲೋಕೇಶ್, ಮತ್ತಿಹಳ್ಳಿ ಕೆಂಚಪ್ಪ, ಕುರುಬ ಸಮಾಜದ ಗೋಣೆಪ್ಪ, ಕೆಂಚಪ್ಪ, ಮಹಾಂತೇಶ್, ಉಪ್ಪಾರ ತಿಮ್ಮಣ್ಣ, ಪ್ರಸನ್ನ, ರಮೇಶ್, ಮಂಜಣ್ಣ, ಬಸವನಗೌಡ, ಯಮುನಪ್ಪ, ರಾಗಿಮಸಲವಾಡ ಮಹಾಂತೇಶ್, ಮಲ್ಲೇಶ್, ಪೂಜಾರ ಮಹೇಶ್ ಹಾಗೂ ಕುರುಬ ಸಮಾಜದ ಬಿಜೆಪಿ ಮುಖಂಡರು, ಕಾರ್ಯಕರ್ತರು ಉಪಸ್ಥಿತರಿದ್ದರು.
