ಹರಪನಹಳ್ಳಿ : ವಿವಿಧೆಡೆ ಕಳ್ಳತನವಾಗಿದ್ದ 35 ಮೊಬೈಲ್ ಗಳನ್ನು ಪತ್ತೆಹಚ್ಚಿರುವ ಹರಪನಹಳ್ಳಿ ಠಾಣೆ ಪೊಲೀಸರು ಸಾರ್ವಜನಿಕರಿಗೆ ಹಿಂತಿರುಗಿಸಿದರು.
2025ನೇ ಸಾಲಿನಲ್ಲಿ ನಗರದ ಬಸ್ ನಿಲ್ದಾಣ, ಸಂತೆ ಮಾರುಕಟ್ಟೆ ಸೇರಿ ಹಲವೆಡೆ ಮೊಬೈಲ್ ಕಳ್ಳತನವಾಗಿದ್ದವು. ಕಳೆದುಕೊಂಡ ಸಾರ್ವಜನಿಕರು ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ಸಿಇಐಆರ್‍ ತಂತ್ರಾಂಶದ ಸಹಾಯದಿಂದ ರೂ. 4.50 ಲಕ್ಷ ಮೌಲ್ಯದ ಒಟ್ಟು 35 ಮೊಬೈಲ್ ಪತ್ತೆ ಹಚ್ಚುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ. ಬುಧವಾರ ವಾರಸುದಾರರಿಗೆ ಡಿವೈಎಸ್ಪಿ ಸಂತೋಷ್ ಚೌಹಾಣ್, ಸಿಪಿಐ ಮಹಾಂತೇಶ್ ಸಜ್ಜನ್ ಅವರು ಹಸ್ತಾಂತರಿಸಿದರು.
ಪತ್ತೆ ಕಾರ್ಯಾಚರಣೆ ಕರ್ತವ್ಯ ನಿರ್ವಹಿಸಿದ ಪಿಎಸ್ಐ ಶಂಭುಲಿಂಗ ಸಿ.ಹಿರೇಮಠ, ಅಪರಾಧ ವಿಭಾಗದ ಪಿಎಸ್ಐ ಮೀನಾಕ್ಷಿ, ಸಿಬ್ಬಂದಿ ಕೆ.ಎಂ.ಆನಂದ, ರವಿ ದಾದಾಪುರ, ಯು.ನಾಗರಾಜ್, ಠಾಣಾ ಬರಹಗಾರ ಕೆ.ಎಚ್.ಎಂ.ರಾಜಶೇಖರ, ಸಿಡಿಆರ್ ವಿಭಾಗದ ಕುಮಾರ ನಾಯ್ಕ ಅವರ ಶ್ರಮಕ್ಕೆ ಡಿವೈಎಸ್ಪಿ ಸಂತೋಷ್ ಹಾಗೂ ಸಿಪಿಐ ಮಹಾಂತೇಶ್ ಸಜ್ಜನ್ ಅವರು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.
