ಹರಿಹರ : ಶ್ರಮಸಂಹಿತೆ -2025 ನೀತಿ ಖಂಡಿಸಿ ಹರಿಹರ ತಾಲ್ಲೂಕಿನ ಕರೂರು ರಾಮ್ಕೊ ಇಂಡಸ್ಟ್ರೀಸ್ ನೌಕರರು ಕಾರ್ಖಾನೆ ಆವರಣದಲ್ಲಿ ಕರಡು ಪ್ರತಿ ಸುಟ್ಟುಹಾಕಿ ಬುಧವಾರ ಪ್ರತಿಭಟಿಸಿದರು.
ಕೇಂದ್ರ ಸರ್ಕಾರ ನೀತಿ ವಿರುದ್ಧ ಘೋಷಣೆ ಕೂಗಿದ ಕಾರ್ಮಿಕರು ಕೇಂದ್ರದ ವಿರುದ್ದ ಆಕ್ರೋಶ ವ್ಯಕ್ತಪಡಿಸಿದರು.
ಜಂಟಿ ಕಾರ್ಮಿಕ ಸಂಘಟನೆಗಳ ಕರೆಯ ಮೇರೆಗೆ ತಮ್ಮ ಬೇಡಿಕೆಗಳ ಈಡೇರಿಸಲು ಒತ್ತಾಯಿಸಿದರು. ಶ್ರಮ ಸಂಹಿತೆ 2025 ಜಾರಿ ಮಾಡಬಾರದು ಎಂದು ಆಗ್ರಹಿಸಿದರು. ಸಿಐಟಿಯು ರಾಜ್ಯ ಕಾರ್ಯದರ್ಶಿ ಕೆ.ಎಚ್.ಆನಂದರಾಜು, ಮುಖಂಡರಾದ ಪ್ರದೀಪ್ ಬಕಜ್ಜಿ, ಬಸವರಾಜ್ ಸಣ್ಣ ಬೊಮ್ಮಾಜಿ, ಶಿವ ಮೂರ್ತಪ್ಪ, ನಾಗರಾಜ್ ಬೆಳ್ಳೂಡಿ ಇದ್ದರು.
