ತೌಡೂರು ಸಹಕಾರ ಸಂಘಕ್ಕೆ ಮರುಜೀವ : ವೈ.ಡಿ.ಅಣ್ಣಪ್ಪ

Sirisuddi Kannada
1 Min Read
ಹರಪನಹಳ್ಳಿ ತಾಲ್ಲೂಕು ತೌಡೂರು ಗ್ರಾಮದಲ್ಲಿ ಜರುಗಿದ ಸಮಾರಂಭದಲ್ಲಿ ಸಂಘದ ಗೋದಾಮು ಮತ್ತು ವ್ಯಾಪಾರಿ ಮಳಿಗೆ ಉದ್ಘಾಟಿಸಲಾಯಿತು.

ಹರಪನಹಳ್ಳಿ : ಸಹಕಾರ ಸಂಘಗಳ ಯಶಸ್ಸಿಗೆ ಆಡಳಿತ ಮಂಡಳಿ ಜವಾಬ್ದಾರಿಯಿಂದ ಕೆಲಸ ನಿರ್ವಹಿಸಬೇಕು ಎಂದು ಬಿಡಿಸಿಸಿ ಬ್ಯಾಂಕ್ ಅಧ್ಯಕ್ಷ ಕೆ.ತಿಪ್ಪೆಸ್ವಾಮಿ ಅಭಿಪ್ರಾಯಪಟ್ಟರು.

ತಾಲ್ಲೂಕಿನ ತೌಡೂರು ಗ್ರಾಮದಲ್ಲಿ ವಿವಿದೋದ್ದೇಶ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರ ಸಂಘ ನಿಯಮಿತ, ಸಂಘದ ಗೋದಾಮು ಮತ್ತು ವ್ಯಾಪಾರಿ ಮಳಿಗೆಗಳನ್ನು ಉದ್ಘಾಟಿಸಿ ಅವರು ಮಾತನಾಡಿದರು.  ಒಂದು ಗ್ರಾಮದಲ್ಲಿ ಶಾಲೆ, ಆಸ್ಪತ್ರೆ ಜೊತೆಗೆ ಸಹಕಾರ ಸಂಘವೂ ಇರಬೇಕು. ಸಹಕಾರ ಸಂಘದ ನಿರ್ವಹಿಸುವ ಆಡಳಿತ ಮಂಡಳಿ ಜವಾಬ್ದಾರಿ ಮರೆತರೆ ಜನರಿಗೆ ಅನ್ಯಾಯ ಆಗುತ್ತದೆ ಎಂದರು.

ಬಿಡಿಸಿಸಿ ಬ್ಯಾಂಕ್ ನಿರ್ದೇಶಕ ವೈ.ಡಿ.ಅಣ್ಣಪ್ಪ ಮಾತನಾಡಿ, ತೌಡೂರು ಸಹಕಾರ ಸಂಘ ಮುಟ್ಟುಗೋಲು ಆಗಿ ಕಾಮಗಾರಿ ಅಪೂರ್ಣಗೊಂಡಿದ್ದವು. ಪುನಃ ಸಂಘಕ್ಕೆ ಮರುಜೀವ ಕೊಟ್ಟು ಅನ್ಯಾಯಕ್ಕೆ ಒಳಗಾದ ರೈತರಿಗೆ ನ್ಯಾಯ ಕಲ್ಪಿಸುವ ಪ್ರಯತ್ನ ಮಾಡಲಾಗಿದೆ. ನಷ್ಟದಲ್ಲಿರುವ ಸಹಕಾರ ಸಂಘದ ಏಳಿಗೆಗೆ ಪ್ರತಿಯೊಬ್ಬರು ಕೈಜೋಡಿಸಿ ಎಂದು ಹೇಳಿದರು.

ಸಮಾರಂಭ ಉದ್ಘಾಟಿಸಿದ ಜಗಳೂರು ಶಾಸಕ ಬಿ.ದೇವೇಂದ್ರಪ್ಪ ಮಾತನಾಡಿ, ಸಹಕಾರ ಸಂಘಗಳು ಜಾತಿ, ಧರ್ಮ ಮುಕ್ತವಾಗಿರುವ ಅಗತ್ಯವಿದೆ ಎಂದರು. ಸಹಕಾರ ಸಂಘದ ಅಧ್ಯಕ್ಷ ಕೆ.ಜಿ.ಶಿವಯೋಗಿ ಅಧ್ಯಕ್ಷತೆ ವಹಿಸಿದ್ದರು. ಬಿಡಿಸಿಸಿ ಬ್ಯಾಂಕ್ ಉಪಾಧ್ಯಕ್ಷ ಐ.ದಾರುಕೇಶ್, ಕೆ.ಪರಸಪ್ಪ, ಕೆ.ಮಂಜುನಾಥಯ್ಯ, ಎಂ.ವಿಜಯಕುಮಾರ, ಕೊಟ್ರಗೌಡ, ಕೆ.ಭರಮಪ್ಪ, ಪುಟ್ಟಣ್ಣ, ಎಸ್.ಕಾಮಪ್ಪ, ಪುತ್ರಮ್ಮ, ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ರಂಗಮ್ಮ, ಕಾವಲಹಳ್ಳಿ ಶೇಖರಪ್ಪ, ಡಿ.ಸಿದ್ದಪ್ಪ, ರಾಝಾನಾಯ್ಕ, ಕೆಂಚಪ್ಪ, ರಾಮನಗೌಡ ಇದ್ದರು.

“ತೌಡೂರು ಸಹಕಾರ ಸಂಘ ಸೂಪರ್‍ಸಿಡ್ ಆಗಿತ್ತು. ನಾನು ನಿರ್ದೇಶಕನಾದ ಮೇಲೆ ತೌಡೂರು ಗ್ರಾಮಸ್ಥರಿಗೆ, ಗ್ರಾಹಕ ರೈತರಿಗೆ ಅನ್ಯಾಯ ಆಗಬಾರದು ವಿವಿದೋದ್ದೇಶ ಸಹಕಾರ ಸಂಘಕ್ಕೆ ಮರುಜೀವ ಕೊಡಲಾಗಿದೆ. ಪ್ರತಿಯೊಬ್ಬ ಗ್ರಾಹಕರು ಸಹಕರಿಸಿ ಸಹಕಾರ ಸಂಘ ಉಳಿಸಿ, ಬೆಳೆಸಬೇಕು”

ವೈ.ಡಿ.ಅಣ್ಣಪ್ಪ, ನಿರ್ದೇಶಕ, ಬಿಡಿಸಿಸಿ ಬ್ಯಾಂಕ್. ವಿಜಯನಗರ.

Share This Article
Leave a Comment