ಹರಪನಹಳ್ಳಿ : ತಾಲ್ಲೂಕಿನ ಉಚ್ಚಂಗಿದುರ್ಗ ಸಂತೆ ಮೈದಾನದ ಬಳಿ ಗಮನ ಬೇರೆಡೆ ಸೆಳೆದು ಕಳ್ಳತನ ಮಾಡುತ್ತಿದ್ದ ಪ್ರತ್ಯೇಕ ಎರಡು ಗುಂಪಿನ ಆರೋಪಿಗಳನ್ನು ಪೊಲೀಸರು ಭಾನುವಾರ ಬಂಧಿಸಿದ್ದಾರೆ.
ಗಮನ ಬೇರೆಡೆ ಸೆಳೆದು ವಂಚಿಸುತ್ತಿದ್ದ ದಾವಣಗೆರೆ ಜಿಲ್ಲೆ ಚನ್ನಗಿರಿ ತಾಲ್ಲೂಕು ಸಂತೆಬೆನ್ನೂರು ಗ್ರಾಮದ ಸಿದ್ದರಾಮ, ಪ್ರಕಾಶ್, ಜಯಮ್ಮ, ಕುರಿ ಕಳ್ಳತನ ಮಾಡುತ್ತಿದ್ದ ಕೂಡ್ಲಿಗಿ ತಾಲ್ಲೂಕು ಪಾಲಯ್ಯನ ಕೋಟೆಯ ಹನುಮಂತ ಬಂಧಿತ ಆರೋಪಿಗಳು. ಬಂಧಿತರಿಂದ 3.60 ಲಕ್ಷ ಬೆಲೆ ಬಾಳುವ ಚಿನ್ನಾಭರಣ, ನಗದು ಹಣ ಮತ್ತು ಕೃತ್ಯಕ್ಕೆ ಬಳಸಿದ ಬೈಕ್ ಜಫ್ತಿ ಮಾಡಲಾಗಿದೆ.
ಬಂಧಿತರಿಂದ ಕಳುವು ಮಾಡಿದ್ದ 3.60 ಲಕ್ಷ ಬೆಲೆ ಬಾಳುವ ಬಂಗಾರದ ಆಭರಣ,ನಗದು ಹಣ ಮತ್ತು ಕೃತ್ಯಕ್ಕೆ ಬಳಸಿದ ಬೈಕ್ ಹಾಗೂ ರೂ. 1.30 ಲಕ್ಷ ನಗದು ಹಣ ವಶಪಡಿಸಿಕೊಳ್ಳಲಾಗಿದೆ. ಡಿವೈಎಸ್ಪಿ ಸಂತೋಷ ಚೌಹಾಣ್, ಸಿಪಿಐ ಮಹಾಂತೇಶ ಸಜ್ಜನ್, ಪಿಎಸ್ಐ ವಿಜಯಕೃಷ್ಣ, ಸಿಬ್ಬಂದಿಯಾದ ರವಿ ದಾದಾಪುರ, ಮಹಾಂತೇಶ್ ಬಿಳಿಚೋಡು, ಆನಂದ, ದಾದಾಪೀರ, ಅಜ್ಜಪ್ಪ, ಎಚ್.ಹರೀಶ್ , ಗುರ್ಯನಾಯ್ಕ, ಕೆ.ಗುರುರಾಜ್, ಕುಮಾರ ನಾಯ್ಕ ಆರೋಪಿ ಸೆರೆ ತಂಡದಲ್ಲಿದ್ದರು.
